hope _ الامل

الامل

انا تعبت انا مش قادر اعمل حاجه في حياتي صح معنديش صحاب وحيده دايما في حياتي معنديش صاحبه اشركها معايا حياتي ونخرج مع بعض ونضحك سوا انا مخنوقه ومش عايزه اكلم حد ولا اشوف حد طول الوقت نايمه طول الوقت مكتئبه مبقش عايزه اعمل حاجه في حياتي هه انا تقريبا لو خرجت في الشارع الناس كلها هتخاف مني من وشي المرهق والتعبان والهالات السودا اللي تحت عنيا بقيت عامله شبه الباندا هو انا وحشه او ممله عشان كده معنديش صحاب يفضلوا معايا علي طول مع اني بكون اول واحده بقف معاهم وقت الازمات وبيزعلوا لما مبسألش عنهم ده علي اساس اني همااللي بيسألوا انا عمري ماخدت الكلام علي الشات ده حاجه تزعل او تفرح لاني الشات عباره عن حيطه مبتعرفيش فيها اذا كان شخص اللي بيكلمك ده بيحبك ولا بيكلمك مجامله متعرفش مشاعره الحقيقه ايه لاني ببساطه هي ايموشنات بنبعتها وبنحاول نقتنع بيها انا شايفه اني الصحبه بالافعال والمواقف مش بالكلام الكتيير في وقت الشده تكون جمبك قبل الفرح تشجعك علي الصح متحبطكيش تقولك انتي تقدري تعمليها انا واثقه فيكي تحسسك انك اختها مش صحبتها تخاف علي خوفك وتزعل علي زعلك ................بس انا عمري ماكان ليا صاحبه كده انا صحابي كلهم بتوع مصالح اقرب صحبه ليا هي امي وانا مبسوطه بكده لاني امي بالنسبالي اعز صحابي عمري مقول حاجه لامي وانا خايفه اقولها بنهزر ونضحك مع بعض وبنضحك مع بعض وانا عارفه اني علاقه الام وبنتها علاقه نضيفه جدا جدا عن اى علاقه تانيه لاني مش بيبقا فيها نفسنه او حقد او غيره مامتك بتخاف عليكي وبتتمنالك الخير دايما وبتتمني دايما انكو تكونو كويسين وبصحه كويسه وبتتمنا تشوفك بفستان الفرح من انهارده قبل بكره وبتفضل تعيط علي فراقك وانك خلاص مش هتبقي معاها ف نفس البيت عشان كده انا بحب امي جدا وبحمد ربنا اني هي صحبتي قبل امي ....بس لما بقعد لوحدي بحس اني وحيده بردو وبفكر هو انا ليه معنديش صحاب ليه كلهم صحاب مصالح وبس واول لما تخلص مصلحتهم بيختفوا من حياتك انا مقتنعه اني صحاب فترات بس جوايا امل انى الاقي صحاب زي مسلسل حكايات بنات صحاب بيكونوا مع بعض دايما مهما شغلتهم الظروف وبيخافوا علي بعض بجد .